06.07.21 - 15:30
Guðmundur Aðalsteinn Ásgeirsson
Hinn 21 árs gamli Helgi ekki lengur þjálfari Einherja (Staðfest)

Helgi Snær Agnarsson.

Mynd: Einherji

Helgi Snær Agnarsson.

Mynd: Einherji
Einherji á Vopnafirði er að skipta um þjálfara. Í dag var tilkynnt um starfslok Helga Snæs Agnarssonar hjá félaginu.
„Ungmennafélagið Einherji og Helgi Snær Agnarsson hafa komist að sameiginlegri niðurstöðu um að Helgi láti af störfum sem þjálfari meistaraflokks karla hjá félaginu," segir í tilkynningu Einherja.
Helgi Snær var fyrir tímabilið ráðinn spilandi þjálfari Einherja. Hann er aðeins 21 árs gamall.
„Ég vil þakka fyrir minn tíma á Vopnafirði. Allir sem eru í kringum þetta vonandi vita að ég lagði mig allan fram í verkefnið. Ég dýfði mér ofan í djúpu laugina og er stoltur af sjálfum mér. Ég skilaði öllu af mér sem ég átti fram að færa og óska Einherja velgengni í sumar," segir Helgi.
Einherji þakkar Helga fyrir gott og heiðarlegt starf. Einherji er þessa stundina í 11. sæti 3. deildar.
Ástríðumenn velta því fyrir sér á Twitter hvort Ingvi Ingólfsson sé að taka við liðinu en hann fékk nýverið félagaskipti yfir í Einherja. Ingvi stýrði Sindra á síðustu leiktíð.
Helgi Snær var fyrir tímabilið ráðinn spilandi þjálfari Einherja. Hann er aðeins 21 árs gamall.
„Ég vil þakka fyrir minn tíma á Vopnafirði. Allir sem eru í kringum þetta vonandi vita að ég lagði mig allan fram í verkefnið. Ég dýfði mér ofan í djúpu laugina og er stoltur af sjálfum mér. Ég skilaði öllu af mér sem ég átti fram að færa og óska Einherja velgengni í sumar," segir Helgi.
Einherji þakkar Helga fyrir gott og heiðarlegt starf. Einherji er þessa stundina í 11. sæti 3. deildar.
Ástríðumenn velta því fyrir sér á Twitter hvort Ingvi Ingólfsson sé að taka við liðinu en hann fékk nýverið félagaskipti yfir í Einherja. Ingvi stýrði Sindra á síðustu leiktíð.
Helgi og Einherji skilja. Ingvi Ingólfs ný mættur og þá fer þjálfarinn? Þýðir það að Ingvi sé að taka við? Meira síðar… #ástríðan pic.twitter.com/QFNw6F1dLB
— Ástríðan Podcast (@AstriPodcast) July 6, 2021
