Fotbolti.net
06.08.15 - 13:33
Elvar Geir Magnússon

Angel Di Maria til PSG (Staðfest)

Angel Di Maria.

Angel Di Maria.

Canon

Mynd: Getty Images

Angel Di Maria er formlega orðinn leikmaður Paris St-Germain í Frakklandi. Franska félagið keypti Di Maria á 44,3 milljónir punda frá Manchester United.

Þessi 27 ára landsliðsmaður Argentínu var aðeins eitt ár í herbúðum United sem keypti hann á 59,7 milljónir punda en það er breskt met.
Di Maria gekkst undir læknisskoðun í Katar áður en hann skrifaði undir.

„Ég er mjög stoltur og get ekki beðið eftir því að klæðast búningi PSG,\" segir Di Maria.

Eftir lofandi byrjun á síðasta tímabili fjaraði fljótt undan frammistöðu Di Maria.

Louis van Gaal, stjóri United, hefur þegar styrkt miðsvæðið með kaupum á Memphis Depay, Bastian Schweinsteiger og Morgan Schneiderlin en United á leik gegn Tottenham í fyrstu umferð ensku úrvalsdeildarinnar á laugardag.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.