Borna Barisic leikmaður Rangers segir að það sé betri stemning á Ibrox heimavelli skoska liðsins en á Anfield heimavelli Liverpool.
Liðin mættust á Anfield í þriðju umferð riðlakeppni Meistaradeildarinnar í vikunni þar sem heimamenn höfðu betur 2-0. Liðin mætast aftur í næstu viku og þá á Ibrox.
„Það er mesta stemning í heiminum á Ibrox að mínu mati. Með fullri viðringu, en þá var góð stemning á Anfield. Það er ekki af því að ég spila með Rangers en það var ekki betri stemning en á Ibrox. Kannski er það af því ég hef spilað svo marga stóra leiki en Ibrox er að mínu bati með bestu stemninguna," sagði Barisic.
Hann segir jafnframt að liðið sé á réttri leið og hann sé sannfærður um að liðið muni gefa Liverpool góðan leik í næstu viku. Þá treystir hann á stuðningsmennina að vera tólfti maðurinn.