„Eins og mér líður núna þá er ég hættur"

Birkir Már Sævarsson tók slaginn með Aftureldingu á liðnu tímabili og hjálpaði liðinu að vinna Lengjudeildina og komast í bikarúrslitaleikinn.

Birkir, sem verður 42 ára í næstu viku, segir við Fótbolta.net að hann sé að öllum líkindum hættur.

Hann hefur átt farsælan feril, er uppalinn hjá Val, varð Íslandsmeistari með liðinu fyrir tæpum 20 árum og lék svo í atvinnumennsku með Brann í Noregi og Hammarby í Svíþjóð.

Hann sneri svo aftur heim til Íslands árið 2018 og vann tvo Íslandsmeistaratitla til viðbótar með Val.

Hann var byrjunarliðsmaður þegar Ísland fór á EM 2016 og HM 2018. Alls lék hann 103 landsleiki.