Emery fær nýjan samning og enn frekari völd

Emery átti viðræður við stjórnendur félagsins og vilji allra aðila er að framlengja dvöl hans á Villa Park.

Emery vill hafa völd í ýmsum ákvarðanatökum og viðræður standa yfir um nokkur atriði, sem talið er formsatriði að klára. Nýi samningurinn verður þó ólíklega kynntur fyrir helgi.

Undir stjórn Emery vann Villa Evrópudeildina í maí, fyrsta stóra titil Villa í 30 ár, og hann fagnaði fjögurra ára starfsafmæli sínu hjá félaginu í síðasta mánuði. Hann hefur umbreytt liðinu í stjóratíð sinni.

Spánverjinn hefur verið orðaður við Manchester United, sem Villa mætir á Old Trafford á sunnudag, ef United rekur Michael Carrick. Núgildandi samningur Emery er til ársins 2029 en hann er nálægt því að skrifa undir nýjan langtímasamning eins og áður segir.