Stjörnumaðurinn Helgi Fróði Ingason var í byrjunarliði Helmond Sport sem gerði markalaust jafntefli við Den Bosch í hollensku B-deildinni í kvöld.
Helgi Fróði hefur verið að fá dágóðan spiltíma miðað við að hafa misst af undirbúningstíkmabilinu hjá Helmond.
Hann hefur náð að aðlagast vel og orðinn fastamaður í sterku liði, sem hefur þó ekki verið að ná í nógu góð úrslit í síðustu leikjum.
Í kvöld spilaði Helgi rúman klukkutíma í markalausu jafntefli en Helmond hefur aðeins unnið einn af síðustu sex í deildinni og er nú fimm stigum frá toppnum.
Ekki er langt síðan liðið var í toppsætinu en það á möguleika á því að koma sér aftur á beinu brautina í síðustu tveimur leikjunum fyrir vetrarfrí.
Helmond mætir næst Telstar áður en það spilar við unglinga- og varalið Utrecht.
Athugasemdir
