Meistaradeild kvenna: Möguleiki á Íslendingaslag í úrslitaleik

Búið er að draga í 8-liða úrslit Meistaradeildar kvenna. Sveindís Jane Jónsdóttir og stöllur hennar í Wolfsburg munu mæta Barcelona.

Barcelona hefur unnið Meistaradeildina síðustu tvö tímabil, í fyrra vann liðið Lyon í úrslitaleik en árið þar á undan vann það magnaðan endurkomusigur gegn Sveindísi og Wolfsburg í úrslitum.

Glódís Perla Viggósdóttir, íþróttamaður ársins, er fyrirliði Bayern München sem mun leika gegn Lyon. Sigurliðið í þeim leik mun mæta ensku liði í undanúrslitum.

Fyrri leikirnir verða 18. og 19. mars og þeir seinni viku síðar. Þá er ljóst hvaða lið geta mæst í undanúrslitum í apríl.