sun 07. mars 2021 09:30
Victor Pálsson
Líkur á að Neymar geti spilað gegn Barcelona
Mynd: Getty Images
Það eru enn líkur á að Neymar geti spilað með Paris Saint-Germain gegn Barcelona í Meistaradeildinni á miðvikudag.

Þetta segir Mauricio Pochettino, stjóri PSG, en Neymar er frá þessa stundina vegna meiðsla.

Brassinn hefur ekki spilað í tæplega mánuð og verður ekki með í kvöld gegn Brest í franska bikarnum.

Það væri þó hægt að gefa Neymar frí í seinni leiknum í 16-liða úrslitum en PSG vann fyrri leikinn 4-1 á útivelli, afar sannfærandi.

„Hann verður ekki hér í næsta leik en við erum ánægðir með hvernig þetta gengur og sjáum til á næstu dögum ef hann getur verið með gegn Barcelona," sagði Pochettino.

Neymar er fyrrum leikmaður Barcelona og er reglulega orðaður við endurkomu til Spánar.
Athugasemdir
banner
banner
banner
banner
banner