„Einhvers konar blanda af Rikka G og Dóra DNA er það ekki?"

Guðmundur Benediktsson lýsti leik Bayern Munchen og PSG í Meistaradeildinni í kvöld. Honum fannst annar af aðstoðardómurum leiksins líkjast samstarfsfélaga sínum, honum Ríkharði Óskari Guðnasyni eða Rikka G.

„Hann segir að þetta sé Rikki G, það er bara hárrétt. Er þetta ekki bara Rikki G?" sagði Kjartan Atli Kjartansson, þáttarstjórnandi, í Meistaradeildarmörkunum á Stöð 2 Sport í kvöld.

„Þetta er einhvers konar blanda af Rikka G og Dóra DNA er það ekki? Getum við fengið Jóa Fel til að mála þennan?" sagði Jón Þór Hauksson sem var sérfræðingur í þættinum.