U19 karla vann á fimmtudag flottan 3-0 sigur gegn Mexíkó í fyrsta leik sínum á æfingamóti í Slóveníu. Mörkin úr leiknum má sjá hér að neðan.

Staðan var jöfn í hálfleik, en Ísland skoraði tvö mörk með stuttu millibili um miðjan seinni hálfleik og svo bætti Tómas Johannessen þriðja markinu við með glæsilegu skoti þegar rúmlega tíu mínútur voru eftir af leiknum.

Ísland mætir næst Katar í dag og hefst sá leikur kl. 12:00, en hann verður í beinni textalýsingu hér á Fótbolta.net og sýndur á svæði KSÍ í sjónvarpi Símans.