Fotbolti.net
07.11.20 - 11:20
Guðmundur Aðalsteinn Ásgeirsson

Grétar Snær í KR (Staðfest)

Grétar Snær í KR (Staðfest)
Canon

Mynd: KR

Grétar Snær Gunnarsson er genginn í raðir KR frá Fjölni en Vesturbæjarstórveldið staðfesti þetta í dag.
Grétar er hávaxinn miðjumaður sem einnig getur spilað sem miðvörður. Hann er örvfættur og gekk í raðir Fjölnis fyrir síðasta tímabil.

Grétar er 23 ára og er uppalinn hjá Haukum en skipti yfir í FH árið 2015. Hann hefur einnig leikið með HK og Víkingi Ólafsvík á Íslandi. Árið 2018 skipti hann yfir til HB í Færeyjum frá FH og lék stórt hlutverk þegar HB landaði færeyska meistaratitlinum.

Grétar lék sautján leiki og skoraði eitt mark þegar Fjölnir endaði í neðsta sæti Pepsi Max-deildarinnar í ár.

Fjölnir fer niður í Lengjudeildina en Grétar verður áfram í Pepsi Max-deildinni.

Grétar gerir þriggja ára samning við KR-inga.

Sjá einnig:
Rúnar: Á ekki von á því að Óskar Örn sé á förum neitt
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.