England: Vandræði Man City halda áfram - Brentford óstöðvandi á heimavelli

Daniel Munoz kom Crystal Palace yfir snemma leiks en þetta var annað mark hans í síðustu þremur leikjum. Markahrókurinn Erling Haaland jafnaði metin eftir hálftíma leik þegar hann skallaði boltann í netið, jafnt í hálfleik.

Crystal Palace var ekki búið að segja sitt síðasta því Maxence Lacroix kom liðinu aftur yfir þegar hann skallaði boltann í netið á 57. mínútu eftir hornspyrnu frá WIll Hughes sem lagði einnig upp fyrra markið.

Rico Lewis jafnaði metin um tíu mínútum síðar. Man City setti mikla pressu á mark Crystal Palace undir lokin en það skilaði ekki árangri.

Rico Lewis fékk síðan sitt annað gula spjald og þar með rautt þegar skammt var til loka venjulegs leiktíma. Þá fengu Palace menn tækifæri en hvorugu liðinu tókst að finna sigurmarkið.

Ótrúlegt gengi Brentford á heimavelli heldur áfram en liðið lagði Newcastle sem hefur ekki unnið í síðustu fjórum leikjum. 

Unai Emery byrjaði með Ollie Watkins á bekknum þegar Aston Villa fékk Southampton í heimsókn. Jhon Duran var í byrjunarliðinu í staðin og hann reyndist hetja liðsins þar sem hann skoraði eina mark leiksins.

Aston Villa 1 - 0 Southampton
1-0 Jhon Duran ('24 )

Brentford 4 - 2 Newcastle
1-0 Bryan Mbeumo ('8 )
1-1 Alexander Isak ('11 )
2-1 Yoane Wissa ('28 )
2-2 Harvey Barnes ('32 )
3-2 Nathan Collins ('56 )
4-2 Kevin Schade ('90 )

Crystal Palace 2 - 2 Manchester City
1-0 Daniel Munoz ('4 )
1-1 Erling Haaland ('30 )
2-1 Maxence Lacroix ('57 )
2-2 Rico Lewis ('68 )
Rautt spjald: Rico Lewis, Manchester City ('84)