Vinstri bakvörðurinn Böðvar Böðvarsson gæti verið á förum frá Jagiellonia Białystok í Póllandi á næstu dögum. Samkvæmt heimildum Fótbolta.net gæti er unnið að því að ná samkomulagi milli Böðvars og félagsins um starfslokasamning en samningur hans á að renna út í sumar.
Böðvar fór frá FH til Jagiellonia Białystok árið 2018 en hann er nú líklega á förum.
Á þessu tímabili hefur Böðvar spilað þrettán leiki en hann ekki komið við sögu eftir jólafrí.
Hinn 25 ára gamli Böðvar hefur samtals spilað 43 leiki í pólsku úrvalsdeildinni á ferli sínum.
Athugasemdir