Lengjubikarinn: Patrick Pedersen með þrennu og Kristján Oddur skoraði sitt fyrsta mark

Valur fékk Fjölni í heimsókn í fyrsta leik í riðli eitt í A-deild Lengjubikarsins í dag.

Staðan var markalaus í hálfleik en danski framherjinn Patrick Pedersen hrökk í gang í þeim seinni og skoraði þrennu.

Kristján Oddur Kristjánsson (2007) innsiglaði sigur liðsins þegar hann skoraði sitt fyrsta mark fyrir liðið í uppbótatíma. Kristján Oddur er uppalinn hjá Val, hann snéri aftur til félagsins í vetur eftir eins árs veru hjá Gróttu.

Þegar þetta er skrifað eru tveir leikir í gangi í sama riðli. Þróttur og Grindavík eigast við og ÍA og Vestri þar sem Vestri er með 1-0 forystu.