Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
banner
   sun 08. mars 2020 22:25
Guðmundur Aðalsteinn Ásgeirsson
Andrea Mist og Guðni í sóttkví í sumarbústað
Andrea Mist í leik með Þór/KA.
Andrea Mist í leik með Þór/KA.
Mynd: Fótbolti.net - Hafliði Breiðfjörð
Andrea Mist Pálsdóttir, fyrrum leikmaður Þórs/KA, og Guðni Sigþórsson, leikmaður Þórs, eru komin í 14 daga sóttkví í sumarbústað hér á landi. Frá þessu er sagt á vefsíðunni Thorsport.is í kvöld.

Þau komu til landsins í gær, laugardag, frá Norður-Ítalíu þar sem Andrea Mist hefur spilað Oribica Calcio í Serie A frá því í lok janúar.

Lið Andreu er í borginni Bergamo í Lombardy-héraði, skammt norðaustur af Mílanó. Lombardy-hérað er einmitt það svæði þar sem flestir hafa sýkst af kórónuveirunni á Ítalíu. Í gærkvöldi var Lombardy-héraðinu lokað og fjórðungur ítölsku þjóðarinnar settur í sóttkví, eða um 16 milljónir manna.

Andrea Mist og Guðni flugu heim frá Ítalíu í gær, laugardag, áður en svæðinu var lokað. Þau héldu beint í sumarbústað þegar heim var komið og verða þar saman í sóttkví næstu 14 daga. Þau eru við góða heilsu og einkennalaus.

Ekki er vitað á þessari stundu hvort að Andrea muni fara aftur út til Ítalíu til að klára tímabilið þar. Það á að klárast í maí.

Sjá einnig:
Berglind Björg: Ótrúlega skrýtin staða að vera í
Athugasemdir
banner
banner
banner