Mark Noble er nálægt því að skrifa undir nýjan eins árs samning við West Ham en þessi 33 ára miðjumaður kom upp úr unglingastarfinu hjá Hömrunum og hefur verið hjá félaginu allan aðalliðsferil sinn.

Það er ekki að ástæðulausu sem hann gengur undir gælunafninu „Herra West Ham" en hann var stuðningsmaður liðsins í æsku.

Hann er fyrirliði West Ham og rennur núgildandi samningur hans út í sumar. Hann hefur verið í hlutverki varamanns á þessu tímabili en er leiðtogi sem hefur mikil áhif á hópinn og sýnir ungum leikmönnum mikinn stuðning.