„Svekkjandi að tapa. Afturelding er með gott lið og sterkt lið, en engu að síður var þetta jafnari í fyrri hálfleik fannst mér. Þeir byrjuðu aðeins betur og við enduðum hálfleikinn aðeins betur. Síðan fáum við lang besta færið í leiknum, hjá Degi og síðan eigum við skot í slá. Síðan einhvern veginn missum við aðeins skipulagið og tökin inn á miðjunni" sagði Björn Brynjar Gunnarsson, þjálfari Leiknis eftir 0-3 tap á heima velli gegn Aftureldingu í Lengjudeildinni.
Lestu um leikinn: Leiknir R. 0 - 3 Afturelding
Eigið þið að vera meira klínískari?
Já, við verðum að nýta færin sem við fáum. Við erum búnir að gera það svo sem þangað til í dag erum við búnir að nýta færin vel. Við fáum alveg eitt allaveganna dauðafæri áður en Afturelding skorar sitt fyrsta mark. Þá viltu alltaf fá meira fyrir það."
Þrátt fyrir að fá á ykkur þrjú mörk, ertu þá ánægður með varnar frammistöðuna?
„Já, ég er ánægður með frammistöðuna og vinnuframlagið og hugarfarið, það er búið að vera frábært hjá okkur. Við verðum að halda því áfram. Við hefðum mátt vera aðeins hugaðri í byrjun fyrri hálfleik. Síðan við vorum búnir að vinna okkur inn í hálfleikinn, þá fannst mér við fá fínar stöður á vellinum og spiluðum ágætlega úr þeirra pressu og sama þá hélt það áfram í byrjun seinni hálfleik. Þá vorum við líklegri, við náðum ekki að taka færin og fyrsta markið í svona leik er jafn og mikil stöðubarátta að það er bara mikilvægt."
Fullt viðtal í spilaranum fyrir ofan
