Byrjunarlið Stjörnunnar og KR: Arnór Ingvi snýr aftur

Jökull Elísabetarson, þjálfari Stjörnunnar gerir tvær breytingar á sínu liði frá 2-1 tapi gegn ÍA síðastliðinn sunnudag.

Þeir Örvar Logi Örvarsson og Damil Dankerlui koma báðir inn í byrjunarlið Stjörnunnar í stað Ibrahim Turay og Sindra Þórs Ingimarssonar.

Óskar Hrafn Þorvaldsson, þjálfari KR, gerir eina breytingu á liði sínu frá 4-1 sigri gegn Val um síðustu helgi.

Arnór Ingvi Traustason snýr aftur inn í liðið eftir að hafa verið frá vegna meiðsla. Orri Hrafn Kjartansson tekur sér sæti á bekknum.

Eiður Gauti Sæbjörnsson kom ekkert við sögu gegn Val vegna meiðsla en hann er áfram á bekknum.