Hemmi svekktur: Stóru ákvarðanirnar allar á móti okkur í dag
Hermann Hreiðarsson þjálfari Vals
Mynd: Fótbolti.net - Hafliði Breiðfjörð
Hermann Hreiðarsson þjálfari Vals
Mynd: Fótbolti.net - Hafliði Breiðfjörð
Leik Fram og Vals endaði með 3-2 sigri heimamanna og því um annað tapið í röð hjá Val um að ræða. Leikurinn var partur af 6.umferð Bestu Deildar Karla.
Hermann Hreiðarsson þjálfari Vals var svekktur eftir leik: „Erfitt að taka þessu, leiðinlegt að tala um það eftir svona góðan fótbolta leik, en það eru risa ákvarðanir sem falla á móti okkur."
„Það er klárlega brotið á Samúel Kára í fyrsta marki Fram, það var farið aftan í hann. Síðan var hendi en þeir fara upp og skora."
Hann sér þó margt jákvætt við leikinn og einstaklings frammistöður. Meðal annars Tryggvi Hrafn Haraldsson sem skoraði og lagði upp fyrir Vals liðið í kvöld.
„Hann var frábær, alveg stórkostlegur fyrir liðið hér í dag."
„Þetta var hörku fótboltaleikur, útfærðum skyndisóknir og hraðar sóknar, spiluðum gegnum pressuna og vorum hugrakkir í því. Fáum svo frábært færi í stöðunni 2-1 þar sem er varið Degi Orra."
„Þú sérð spiritið, það er alvöru fighting spirit, Fram er með sterkt lið og við vörðumst því ógnar vel í dag." Nefndi fyrirliðann Hólmar Örn sem dæmi í því samhengi.
Viðtalið má sjá í heild sinni hér í spilaranum að ofan
