Langbesta frammistaða Mosfellinga - „Ungur og efnilegur leikmaður sem á framtíðina fyrir sér”
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Mér fannst þetta ver frábær liðs frammistaða. Allir sem byrjuðu leikinn, allir sem komu inn á voru með frábæra innkomu og góð orka í okkur allan tímann. Mér fannst þetta vera mjög sanngjarn sigur" sagði Magnús Már Einarsson, þjálfari Aftureldingar eftir úti sigur gegn Leikni í þriðju umferð Lengjudeildarinnar.
Ertu ánægður með frammistöðuna í öllum leiknum?
„Já klárlega. Kannski korters kaflinn í lok fyrri hálfleik sem þeir áttu. En mér fannst við vera miklu meira ógnandi í leiknum og hann á frábæran leik í markinu, hann Óli."
Var erfitt að brjóta niður vörn Leiknis?
„Já. Mér fannst við komast í góðar stöður og fín færi. Við áttum að vera aðeins klínískari og það kom í lokin. Virkilega ánægður með frammistöðuna í dag og mér fannst hún vera mjög sterk, liðs frammistaða. Klárlega lang besta og heilsteyptasta frammistaðan okkar á tímabilinu.
Róbert kemur af bekknum og skorar strax, hversu mikilvægt er svona impact?
„Bara frábært. Ekki endilega bara hann heldur líka Trausti sem kemur inn á og leggur upp mark líka og Enes og Gunni og Ari koma inn á með flotta innkomu í dag. En jú frábærlega gert hjá Robba. Ungur og efnilegur leikmaður sem á framtíðina fyrir sér og gaman fyrir hann að skora sitt fyrsta deildarmark."
Fullt viðtal í spilaranum fyrir ofan
