Ólafur Ingi Skúlason, þjálfari Breiðabliks
Ólafur Ingi Skúlason, þjálfari Breiðabliks, var svekktur eftir 3-3 jafntefli gegn FH á Kópavogsvelli.
„Ég er hundóánægður að taka ekki meira úr þessu. Við mætum ekki til leiks í seinni hálfleik og getum sjálfum okkur um kennt, en því fór sem fór.''
„Ég er hundóánægður að taka ekki meira úr þessu. Við mætum ekki til leiks í seinni hálfleik og getum sjálfum okkur um kennt, en því fór sem fór.''
Lestu um leikinn: Breiðablik 3 - 3 FH
Breiðablik leiddu í hálfleik 2-0, en á um það bil korteri sneru FH-ingar leiknum við og komust 2-3 yfir.
„Að hleypa þeim inn í þetta var það seinasta sem við ætluðum að gera. Það leit ekkert út fyrir að þeir ætluðu að gera neitt hérna en við spiluðum þetta upp í hendurnar á þeim með mistökum í uppspilum sem verður til þess að þeir skora mark og það gefur þeim líflínu.''
Anton Logi Lúðvíksson náði í seinasta leik gegn ÍBV að brjóta 100 leikja múrinn fyrir Breiðablik og var heiðraður fyrir leik. Einnig spilaði Andri Rafn Yeoman sinn 500. leik fyrir Breiðablik.
„Það er frábært að hafa svona stólpa í þessu liði. 500 leikir fyrir sama félagið er ótrúlegur áfangi og við erum mjög stoltir af Andra fyrir það.''
Breiðablik situr í 4. sæti eftir þennan leik með 12 stig. Þeir eiga í næstu umferð leik gegn Val á Hlíðarenda.
Viðtalið má sjá í heild sinni í spilaranum fyrir ofan.
