Stóru fjögur með 86% líkur á HM-titlinum en 14% að áskorandi steli honum
Það eru 3,3% líkur á að Haaland og norska landsliðið fái að lyfta bikarnum í ár
Mynd: EPA
Það eru 3,3% líkur á að Haaland og norska landsliðið fái að lyfta bikarnum í ár
Mynd: EPA
Sextán liða úrslitunum á HM er lokið og átta lið standa eftir. Fjögur þeirra, Spánn, Argentína, Frakkland og England, bera af í spá Metils. Hin fjögur, Belgía, Marokkó, Noregur og Sviss, mæta þeim í átta liða úrslitum. Spurningin er hversu langt stóru liðin komast og hvort eitthvert hinna nái að stela titlinum.
Stóru liðin fjögur dreifast á fjögur ólík átta liða úrslit og geta því ekki slegið hvert annað út fyrr en í undanúrslitum. Hvert þeirra mætir áskoranda í 8-liða úrslitum. Argentína (75%) og Spánn (74%) eru líklegust til að komast í undanúrslit, en Frakkland (66%) og England (65%) eru líka sigurstrangleg.
Þegar horft er alla leið að titlinum er Spánn sigurstranglegast með um 30% líkur, Argentína næst með tæp 28%, og þar á eftir Frakkland (15%) og England (13%). Lögð saman gefa liðin fjögur 86% líkur á að heimsmeistarinn 2026 komi úr þessum hópi.
Til að öll fjögur komist í undanúrslit þarf hvert þeirra að vinna sinn leik en líkurnar á því eru um einn á móti fjórum. Gangi það eftir mætast Frakkland og Spánn í öðrum undanúrslitunum og England og Argentína í hinum. Líklegra er þó að eitthvert stóru liðanna detti út strax í 8-liða úrslitum. Að meðaltali komast tæplega þrjú af fjórum stóru liðunum í undanúrslit.
Samanlagt eiga áskorendurnir fjórir 14% líkur á titlinum. Það vekur athygli að þótt Noregur og Marokkó séu líklegust þeirra til að komast í undanúrslit eru titillíkur Belgíu mestar, um 4,5%. Ástæðan er sú að Belgía er sterkasta áskorandaliðið en mætir jafnframt erfiðasta andstæðingnum, Spáni. Sviss rekur lestina með 2,8% líkur á titlinum.
Spáin miðast við stöðuna 8. júlí, eftir að 16-liða úrslitunum lauk og áður en 8-liða úrslitin hefjast. Öll átta liðin sem eftir standa hafa því leikið jafn marga leiki. Meðal fallinna liða eru Brasilía og Portúgal sem bæði töpuðu í 16-liða úrslitum.
Lifandi spá og allt útsláttartréð má skoða á metill.is/hm2026.
Þegar horft er alla leið að titlinum er Spánn sigurstranglegast með um 30% líkur, Argentína næst með tæp 28%, og þar á eftir Frakkland (15%) og England (13%). Lögð saman gefa liðin fjögur 86% líkur á að heimsmeistarinn 2026 komi úr þessum hópi.
Til að öll fjögur komist í undanúrslit þarf hvert þeirra að vinna sinn leik en líkurnar á því eru um einn á móti fjórum. Gangi það eftir mætast Frakkland og Spánn í öðrum undanúrslitunum og England og Argentína í hinum. Líklegra er þó að eitthvert stóru liðanna detti út strax í 8-liða úrslitum. Að meðaltali komast tæplega þrjú af fjórum stóru liðunum í undanúrslit.
Samanlagt eiga áskorendurnir fjórir 14% líkur á titlinum. Það vekur athygli að þótt Noregur og Marokkó séu líklegust þeirra til að komast í undanúrslit eru titillíkur Belgíu mestar, um 4,5%. Ástæðan er sú að Belgía er sterkasta áskorandaliðið en mætir jafnframt erfiðasta andstæðingnum, Spáni. Sviss rekur lestina með 2,8% líkur á titlinum.
Spáin miðast við stöðuna 8. júlí, eftir að 16-liða úrslitunum lauk og áður en 8-liða úrslitin hefjast. Öll átta liðin sem eftir standa hafa því leikið jafn marga leiki. Meðal fallinna liða eru Brasilía og Portúgal sem bæði töpuðu í 16-liða úrslitum.
Lifandi spá og allt útsláttartréð má skoða á metill.is/hm2026.
