Fotbolti.net
08.11.14 - 14:14
Magnús Már Einarsson

Guðjón Árni í Keflavík (Staðfest)

Guðjón Árni er kominn aftur til Keflavíkur.

Guðjón Árni er kominn aftur til Keflavíkur.

Canon

Mynd: Fótbolti.net - Hafliði Breiðfjörð

Keflavík hefur fengið hægri bakvörðinn Guðjón Árna Antoníusson í sínar raðir frá FH en þetta kemur fram á vef Víkurfrétta.

Guðjón Árni hefur leikið með FH undanfarin þrjú ár en hann hefur nú ákveðið að semja við Keflavík á nýjan leik.

Guðjón Árni skrifaði undir tveggja ára samning við Keflavík en hann verður einnig styrktarþjálfari liðsins.

<i>,,Ég er ánægður með að vera loksins búinn að taka ákvörðun,\"</I> sagði Guðjón Árni við Víkurfréttir.

<i>,,Mér leið vel í Keflavík á sínum tíma og ég á ekki von á öðru en að mér eigi eftir að líða áfram vel hér.\"</I>
Guðjón Árni hefur lítið spilað síðustu tvö tímabil vegna höfuðmeiðsla og líkur voru á að hann þyrfti að leggja skóna á hilluna.

Þessi 31 árs gamli leikmaður hefur nú fengið grænt ljós á að halda áfram.

,,Ég finn ekki fyrir neinu og fékk að vita að ég mætti leika mér áfram í fótbolta. Ég tók ákvörðun að gera það og er mjög sáttur með það,\" sagði Guðjón Árni.

Heimild: Víkurfréttir

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.