Reykjavíkurmót kvenna: Fylkir og Valur í úrslit

Undanúrslit Reykjavíkurmóts kvenna fóru fram í kvöld og er nú ljóst hvaða lið mætast í úrslitaleiknum, en Fylkir og Valur unnu sína leiki og keppa um titilinn.

Fylkir vann 3-1 sigur gegn KR eftir að hafa lent undir rétt fyrir leikhlé þökk sé marki frá Ásdísi Karen Halldórsdóttur.

Ruth Þórðar Þórðardóttir jafnaði metin fyrir Fylki og Berglind Björg Þorvaldsdóttir tryggði Árbæingunum svo 3-1 sigur með tveimur mörkum.

Valur rúllaði yfir HK/Víking þar sem Margrét Lára Viðarsdóttir var fremst meðal jafningja og skoraði fimm mörk. Systir hennar Elísa Viðarsdóttir skoraði eitt mark sem og Eva María Jónsdóttir en Rúna Sif Stefánsdóttir skoraði tvö.