Man City gæti spilað í Meistaradeildinni þó liðið yrði fellt

Þó Manchester City yrði fellt niður úr ensku úrvalsdeildinni vegna alvarlegra fjárhagsbrota þá gæti liðið spilað áfram í Meistaradeild Evrópu.

Sá möguleiki er fyrir hendi þar sem sigur í keppninni myndi tryggja áframhaldandi þátttökurétt, sama hvar liðið er í deildarkeppninni í sínu heimalandi.

Breska ríkisútvarpið fjallar um að það sé engin sjálfvirk leið til að fjarlægja City úr Evrópukeppni sem liðið kemst í vegna árangurs inni á vellinum.

Sagt er að háttsettir aðilar innan breska fótboltans hafi áhyggjur af þessum möguleika.