Bruno Labbadia hefur verið ráðinn sem þjálfari Hertha Berlín í þýsku úrvalsdeildinni. Hann tekur við starfinu af Jurgen Klinsmann sem hætti í febrúar eftir 76 daga í starfi.
Alexander Nouri stýrði Hertha í leikjunum áður en hlé var gert á þýsku úrvalsdeildinni vegna kórónuveirunnar. Hertha ætlaði sér að ráða nýjan þjálfara í sumar, en þar sem frí hefur verið í deildinni hefur Hertha flýtt ráðningunni.
Labbadia mun formlega taka við 13. apríl, en stefnt er á að hefja deildina aftur í Þýskalandi í byrjun næsta mánaðar. Nokkur lið hafa hafið æfingar þar í landi í litlum hópum og í samráði við tilmæli þýskra stjórnvalda.
Labbadia er 54 ára gamall og var síðast við stjórnvölinn hjá Wolfsburg.
Hertha var í 13. sæti þýsku úrvalsdeildarinnar þegar deildin var stöðvuð í síðasta mánuði.
OFFICIAL: Bruno Labbadia has been appointed as the new head coach of Hertha BSC. #hahohe pic.twitter.com/EG0ILyTyD5
— Hertha Berlin (@HerthaBSC_EN) April 9, 2020
Athugasemdir
