Egill Orri Arnarsson leikmaður Þórs kom liðinu á bragðið þegar hann jafnaði metin í 2-2 þegar liðið vann ótrúlegan endurkomu sigur á Aftureldingu í dag.
Lestu um leikinn: Þór 4 - 2 Afturelding
„Við byrjuðum illa en þetta var rosalegt í endan, ég var að deyja úr stressi. Ég hef aldrei upplifað annað eins drama," sagði Egill Orri.
Egill Orri er aðeins 16 ára gamall en hann skoraði sitt fyrsta mark fyrir Þór í dag.
„Ég sá að það var pláss fyrir mig á fjær svo ég tók hlaupið og boltinn endaði bara á hausnum á mér," sagði Egill.
Hann er á leið til Midtjylland í Danmörku í júlíu en hann er á leið í smá undirbúningsvinnu á morgun.
„Ég fer til Danmerkur á morgun og fer að skoða skóla. Svo ætla ég að gera mitt besta hjá Þór þangað til ég fer út," sagði Egill að lokum.
Athugasemdir