Filippo Inzaghi með Simone Inzagi bróður sínum en hann er tekinn við Inter.
Filippo Inzaghi er nýr stjóri Brescia í ítölsku B-deildinni en íslensku landsliðsmennirnir Birkir Bjarnason og Hólmbert Aron Friðjónsson eru hjá félaginu.
Brescia hafnaði í sjöunda sæti B-deildarinnar á liðnu tímabili, Birkir var í lykilhlutverki en meiðsli gerðu að verkum að Hólmbert kom aðeins við sögu í níu leikjum.
Brescia hafnaði í sjöunda sæti B-deildarinnar á liðnu tímabili, Birkir var í lykilhlutverki en meiðsli gerðu að verkum að Hólmbert kom aðeins við sögu í níu leikjum.
Inzaghi stýrði Benevento en yfirgaf félagið eftir fall úr ítölsku A-deildinni.
„Nýtt ævintýri hefst fyrir mig og ég er bæði ánægður og stoltur," segir Inzaghi en hann var mikill markaskorari á sínum tíma og spilaði fyrir Juventus og AC Milan.
Bróðir hans, Simone Inzaghi, tók nýlega við stjórnartaumunum hjá stórliðinu Inter.
Birkir í leik með Brescia.
Athugasemdir
