Ítalía: Emil og félagar komnir í úrslit

Emil Hallfreðsson var í byrjunarliði Padova í undanúrslitaleik í úrslitakeppni ítölsku C-deildarinnar.

Padova heimsótti Avellino í dag eftir að hafa gert 1-1 jafntefli í fyrri leik liðanna og úr varð hörkuleikur.

Simone Della Latta skoraði fyrir Padova á 28. mínútu og tókst Emil og félögum að halda forystunni út.

Padova tryggði sig þannig í úrslitaleik um síðasta lausa sætið í Serie B. Þar mun liðið annað hvort mæta AlbinoLeffe eða Alessandria.