„Ég er bara mjög svekktur með leikinn, þetta var lélegur leikur af okkar hálfu og ég er bara hundfúll."
Sagði Vigfús Arnar Jósepsson þjálfari Leiknis eftir 1-0 tap fyrir grönnum sínum í ÍR í dag.
Sagði Vigfús Arnar Jósepsson þjálfari Leiknis eftir 1-0 tap fyrir grönnum sínum í ÍR í dag.
Lestu um leikinn: ÍR 1 - 0 Leiknir R.
„Okkur gekk illa að byggja upp spil og fórum kannski full fljótt í örvæninguna og sóknarleikurinn var bara ekki neitt neitt. Við byrjuðum þennan leik mjög illa og vorum í lélegu jafnvægi. Við leyfðum þeim að eiga upphlaup á okkur sem við ætluðum ekki að leyfa þeim að eiga."
Leiknir hafa einungis fengið tvö stig úr síðustu fimm leikjum og síga neðar og neðar í töflunni og Fúsi hefur áhyggjur af stöðu mála.
„Auðvitað hef ég áhyggjur, við erum búnir að vera í neðri hluta deildarinnar í allt sumar og falldraugurinn hefur alltaf verið að kitla okkur og það batnar ekki ástandið eftir þennan leik."
Næsti leikur Leiknis er gegn HK sem hafa verið illviðráðanlegir í allt sumar.
„Það er nýtt verkefni, við þurfum bara að svekkja okkur í kvöld og mæta með skýran haus á æfingu á morgun og gera okkur klára fyrir leikinn gegn HK á þriðjudaginn."
Athugasemdir