FH-ingurinn Jónatan Ingi Jónsson kom með alvöru innkomu af bekknum þegar íslenska U21-landsliðið valtaði 6-1 yfir Armeníu í kvöld. Jónatan var búinn að skora og leggja upp fljótlega eftir að hann kom inn.
Lestu um leikinn: Ísland U21 6 - 1 Armenía U21
„Við byrjuðum leikinn vel og hefðum getað skorað fleiri mörk í fyrri hálfleiknum. Við misstum dampinn aðeins í byrjun seinni hálfleiks en fundum hann aftur," sagði Jónatan.
„Þetta er rosalega jafn og sterkur hópur. Það er barátta um allar stöður. Það haldast allir á tánum og menn vilja sýna sig þegar þeir koma inn."
Á laugardaginn er Jónatan að fara að spila bikarúrslitaleik með FH gegn Víkingi.
„Á laugardaginn er minn fyrsti séns á að vinna titil í meistaraflokki og ég get ekki beðið."
Sjáðu viðtalið í heild í sjónvarpinu hér að ofan.
Athugasemdir
