Markvörðurinn Ben Foster skrifaði undir nýjan samning við Watford í byrjun sumars.
Foster hefur varið mark liðsins undanfarin tvö tímabil og þótt standa sig vel. Samningur hans við félagið, sem féll úr ensku úrvalsdeildinni á síðustu leiktíð, rennur núna út 2022.
Foster er 37 ára gamall, en þrátt fyrir nýjan samning var hann orðaður við félög eins og Chelsea og Everton í sumar. Hann trúði því ekki þegar hann heyrði af þessum sögusögnum.
„Börnin mín hlógu meira að segja, þau sögðu við mig að ég yrði að sjá þetta og ég svaraði að það hljóti að vera gúrkutíð. Það var enginn sannleikur í þessu," sagði Foster léttur í viðtali við Football Daily
🗣"Even my kids chuckled, saying dad have you see that, it must be a slow news day, there's no truth in that!" 🤣@BenFoster on being linked with Chelsea & Everton ✍️ pic.twitter.com/3fu1h3PMwc
— Football Daily (@footballdaily) September 8, 2020
Athugasemdir