Hann hafði verið spurður út í leik hans með félagsliði sínu, CSKA Moskvu gegn Real Madrid í Meistaradeild Evrópu á dögunum en Arnór kom inná sem varamaður í leiknum.

„Það var ekki leiðinlegt að vinna þá 1-0 og fá að spila í því. Þetta var geggjað. Ég var meira spenntur en stressaður fyrir þessu. Það voru 80 þúsund manns á vellinum og ekki leiðinlegt að vera að hita upp við hliðina á Modric."

Á föstudaginn tilkynnti Erik Hamren landsliðsþjálfari Íslands svo landsliðshóp sinn og þrátt fyrir að vera að spila í Meistaradeildinni hlaut Arnór ekki náð fyrir augum hans að þessu sinni.

„Það þýðir samt ekkert, ég þarf bara að vera þolinmóður. Það er heiður að spila fyrir Ísland hvort sem það sé U21 eða A-landsliðið," sagði Arnór.

„Ég er vel gíraður inn í þessa tvo leiki með U21 árs landsliðinu sem verða erfiðir. Ég lít á þetta sem tækifæri að fá tvo mjög góða leiki því ég hef verið að koma inná sem varamaður með CSKA. Ég verð að virða val landsliðsþjálfarans og sýna þolinmæði. Auðvitað er draumurinn að komast í A-landsliðið en það kemur."

Nánar er rætt við Arnór í sjónvarpinu hér að ofan.