Ítalía: Vonin lifir hjá Cremonese - Albert og Fiorentina áfram í efstu deild

Fiorentina hefur átt afleitt tímabil í deildinni og verið í harðri fallbaráttu eftir flott síðasta tímabil þar sem liðið fór alla leið í úrslit Sambandsdeildarinnar.

Félagið fær nú sumarið til að stilla saman strengi og er nú ljóst að það verður áfram í efstu deild.

Albert Guðmundsson kom inn af bekknum hjá Fiorentina undir lok leiks, en Mikael Egill Ellertsson var í byrjunarliði Genoa, sem mun einnig vera áfram í deild þeirra bestu.

Fiorentina er í 15. sæti með 38 stig en Genoa í 14. sæti með 41 stig.

Jamie Vardy og félagar í Cremonese unnu frábæran 3-0 sigur á Pisa og neita að gefast upp í fallbaráttunni.

Vardy skoraði sjötta deildarmark sitt á 31. mínútu, átta mínútum eftir að Rosen Bozhinov, leikmaður Pisa, var rekinn af velli. Federico Bonazzoli bætti við öðru á 51. mínútu og sex mínútum síðar fækkaði í liði Pisa er Felipe Loyola fékk rauða spjaldið.

Þessi sigur Cremonese var gríðarlega stór en þegar tvær umferðir eru eftir er liðið í 18. sæti með 31 stig, einu stigi frá Lecce sem er í öruggu sæti.

Lecce á eftir að mæta Sassuolo og Genoa á meðan Cremonese mætir Udinese og Como. Aðeins auðveldari dagskrá hjá Lecce og meiri líkur en minni á að Cremonese muni falli niður um deild.

Cremonese 3 - 0 Pisa
1-0 Jamie Vardy ('31 )
2-0 Federico Bonazzoli ('51 )
3-0 David Okereke ('86 )
Rautt spjald: ,Rosen Bozhinov, Pisa ('23)Felipe Loyola, Pisa ('57)

Fiorentina 0 - 0 Genoa