„Fyrsta sólarhringinn virðist allt vera í toppmálum," sagði Magnús Gylfason í landsliðsnefnd KSÍ við Fótbolta.net í dag fyrir æfingu liðsins í Gelendzhik.
Íslenska liðið var eitt á hóteli í Annecy á EM fyrir tveimur árum en nú hefur liðið hótelið ekki út af fyrir sig. Maggi og aðrir starsfmenn landsliðsins sjá um að hafa keppnir fyrir leikmenn á hótelinu til að stytta stundirnar á milli leikja.
Íslenska liðið var eitt á hóteli í Annecy á EM fyrir tveimur árum en nú hefur liðið hótelið ekki út af fyrir sig. Maggi og aðrir starsfmenn landsliðsins sjá um að hafa keppnir fyrir leikmenn á hótelinu til að stytta stundirnar á milli leikja.
„Það verður mikið af keppnum alla daga. Það verður skák, snóker, pílukast, púttkeppnir og nóg að gera," sagði Maggi.
Sex dagar eru í að Ísland mæti Argentínu í fyrsta leik á HM en sá leikur fer fram í Moskvu á laugardaginn.
„Ég er búinn að sjá alltaf 1-1 í kortunum og ég verð að halda áfram að vona það. Þetta verður stórkostlegur leikur," sagði Maggi. „Það hefur alltaf verið stefnan að fara upp úr riðlinum. Það hefur verið trúin og hún minnkar ekki neitt þegar við komum hingað."
Athugasemdir