Otamendi gerir nýjan tveggja ára samning við Benfica

Þessi 35 ára gamli miðvörður var í lykilhlutverki í liðinu á þessari leiktíð en hann spilaði 31 leik er liðið varð portúgalskur meistari.

Otamendi gekk til liðs við Benfica árið 2020 eftir fimm ára dvöl hjá Manchester City þar sem hann vann ensku úrvalsdeildina tvisvar, FA bikarinn einu sinni og enska deildabikarinn fjórum sinnum.

Hann var í landsliði Argentínu sem varð heimsmeistari í Katar fyrir áramót en úrslitaleikurinn var 100. landsleikurinn hans á ferlinum.