Ward gerir nýjan samning við Crystal Palace

Ward gekk til liðs við félagið árið 2012 og hefur leikið 335 leiki fyrir félagið í öllum keppnum síðan.

Þessi 33 ára gamli varnarmaður kom við sögu í 30 leikjum á síðustu leiktíð og bar fyrirliðabandið í 14 leikjum.

„Ég er í skýjunum með að hafa skrifað undir nýjan samning. Ég er spenntur fyrir næsta tímabili og að byggja ofan á endirinn síðustu átta vikurnar," sagði Ward við undirskriftina.