Sterkust í 18. umferð - Elskar Ísland

Ashley varði fimm skot í leiknum og voru fjórar þeirra mjög fínar vörslur.

Ashley hefur í sumar fengið flest mörk á sig, en hún hefur að sama skapi fengið flest skot á sig og varið flest skot.

Hún kom fyrst til Íslands árið 2023 og gekk í raðir FHL en hún sneri aftur hingað til lands í fyrra og gekk þá í raðir Fram þar sem hún er núna á sínu öðru tímabili.

„Ég elska Ísland. Besta deildin er besta deildin," sagði Ashley við Fótbolta.net fyrr í sumar.

„Þetta er í þriðja skiptið sem ég kem hingað. Ég var með Fram síðasta einn og hálfan mánuðinn á síðasta tímabili og áður spilaði ég með FHL. Ég virðist bara alltaf enda aftur á Íslandi. Mér líður mjög vel hérna, fólkið er frábært og þegar sólin skín er veðrið líka frábært.“