Lestu um leikinn: Stjarnan 0 -  3 Selfoss

„Sterkara liðin vann á endanum. Við löguðum heilmikið frá því að við spiluðum við þær hér í deildinni fyrir rúmri viku síðan, okkur vantaði aðeins að reka smiðshöggið á sóknirnar okkar."

Fyrri hálfleikurinn var í miklu jafnvægi allt þangað til Hólmfríður Magnúsdóttir kemur Selfossi yfir og þá hrinur sóknarleikur Stjörnunar og Kristján var spurður hvað hafi farið úrskeiðis eftir fyrsta mark Selfossar

„Við ræddum þetta einmitt eftir leikinn, fyrri hálfleikurinn er í jafnvægi og við ætluðum að koma til baka í seinni hálfleik en fyrsta mínútan í síðari hálfleik gerum við okkur sek um mistök og Selfoss átti að skora,það gaf tóninn hvernig hugarfarið var hjá okkur þegar við fórum inn í síðari hálfleikinn. Seinni hálfleikurinn olli okkur öllum miklum vonbrigðum."

Ekkert bikarævintýri hjá Stjörnunni í ár og var Kristján spurður út í framhaldið í deildinni.

„Við erum búin að vinna þá leiki sem við þurfum að vinna ef það má orða það svoleiðis og við þurfum að halda því áfram og næsti leikur á móti KR skiptir miklu máli."