Paulo Sousa á blaði hjá Arsenal

Þrátt fyrir að hafa átt misjöfnu gengi að fagna á stjórastólanum er Portúgalinn nýjasta nafnið sem er orðað við Arsenal.

Brendan Rodgers var efstur á óskalistanum hjá Arsenal en hefur gert nýjan samning við Leicester.

Franskir fjölmiðlar segja að hinn 49 ára Sousa sé með riftunarákvæði í samningi sínum fyrir minna en 3 milljónir evra.

Heimildarmaður sem sagður er vera nátengdur Sousa sagði við L'Equipe að Arsenal teldi að karakterinn gæti hentað félaginu.

„Arsenal er í viðræðum við ýmsa aðila en Paulo er á listanum hjá þeim. Hann er ekki alveg sáttur hjá Bordeuax og ekki hefur verið staðið við það sem honum var lofað. Hann elskar stuðningsmennina en þarf að fá meiri stuðning stjórnarinnar, liðið er ekki nægilega sterkt til að enda í topp sex," segir heimildarmaðurinn.