Fotbolti.net
11.09.15 - 11:02
Magnús Már Einarsson

De Gea gerir nýjan samning við Man Utd (Staðfest)

David De Gea.

David De Gea.

Canon

Mynd: EPA

David De Gea hefur skrifað undir nýjan fjögurra ára saming við Mancheste United en félagið staðfesti þetta nú rétt í þessu. Möguleiki er á eins árs framlengingu í samningnum.

Fyrri samningur De Gea átti að renna út næsta sumar en hann var hársbreidd frá því að ganga í raðir Real Madrid á dögunum eftir langa framhaldssögu í sumar.
Þessi 24 ára gamli Spánverji kom til Manchester United árið 2011 og nú er ljóst að hann verður áfram hjá liðinu.

„Ég er ánægður með að hefja þennan nýja kafla á ferli mínum hjá United. Ég hef alltaf notið þess að spila með þessum frábæru leikmönnum fyrir framan stórkostlega stuðningsmenn okkar,\" sagði De Gea eftir undirskrift.

„Manchester United er sérstakt félag og Old Trafford er tilvalinn staður fyrir mig til að halda ferli mínum áfram.\"

„Ég hlakka til að kveðja þetta erfiða sumar og halda áfram að leggja hart að mér til að bæta mig og hjálpa liðsfélögum mínum að ganga vel.\"

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.