11.10.24 - 20:13
Brynjar Ingi Erluson
Tuchel að taka við enska landsliðinu?
Mynd: EPA
Mynd: EPA
Thomas Tuchel er í viðræðum um að taka við enska landsliðinu en þetta segir þýski blaðamaðurinn Christian Falk.
Þessar fregnir koma aðeins sólarhring eftir að England tapaði óvænt fyrir Grikklandi, 2-1, í Þjóðadeildinni á Wembley í gær.
Lee Carsley er að þjálfa liðið til bráðabirgða en hann mun stýra liðinu í þessu verkefni og í nóvember áður en enska fótboltsambandið mun taka ákvörðun um framtíðina.
Líklegast mun Carsley halda áfram að þjálfa U21 árs landsliðið, en samkvæmt Falk er fótboltasambandið í viðræðum við Thomas Tuchel.
Tuchel var síðast að þjálfa Bayern München í heimalandinu en hætti eftir síðasta tímabil. Hann var áður með Chelsea, Borussia Dortmund, Paris Saint-Germain og Mainz.
Lee Carsley er að þjálfa liðið til bráðabirgða en hann mun stýra liðinu í þessu verkefni og í nóvember áður en enska fótboltsambandið mun taka ákvörðun um framtíðina.
Líklegast mun Carsley halda áfram að þjálfa U21 árs landsliðið, en samkvæmt Falk er fótboltasambandið í viðræðum við Thomas Tuchel.
Tuchel var síðast að þjálfa Bayern München í heimalandinu en hætti eftir síðasta tímabil. Hann var áður með Chelsea, Borussia Dortmund, Paris Saint-Germain og Mainz.
