Elton John vonsvikinn - „Finn til með þeim sem þurfa að horfa upp á þetta“

John er einn ástsælasti söngvari Bretlands og hefur lengi verið viðloðandi Watford. Hann hefur tvisvar verið meðal eigenda félagsins og átti stóran þátt í uppgangi þess á áttunda og níunda áratugnum. Hann kom svo aftur að félaginu á þeim tíunda og hjálpaði því upp í úrvalsdeildina.

John seldi hlut sinn árið 2002 en hefur alltaf fylgst náið með liðinu. Watford hefur nú tapað þremur leikjum í röð í ensku B-deildinni, og fimm af síðustu sex og er í 20. sæti.

Hann leyndi ekki vonbrigðum sínum með gengið í færslu á Instagram sem hann eyddi síðar.

„Sem stuðningsmaður Watford alla mína ævi er ég mjög leiður og vonsvikinn yfir slöku gengi síðustu vikna. Ég finn virkilega til með stuðningsmönnunum sem þurfa að horfa upp á þetta,“ skrifaði Elton John.

BREAKING: Elton John speaks out about #WatfordFC.

“As a lifetime supporter of Watford FC, I am very upset and disappointed at the decline over the past few weeks. I really feel for the other supporters who have to watch this.” https://t.co/K6vd8MBxER

— TheWatfordWay (@thewatfordway) October 10, 2026