Rashford yfirgefur Man Utd - Tottenham á eftir Alberti
   mán 12. febrúar 2024 08:00
Brynjar Ingi Erluson
Afríkukeppnin: William Troost-Ekong maður mótsins - Adingra besti ungi leikmaðurinn
William Troost-Ekong var besti maður mótsins
William Troost-Ekong var besti maður mótsins
Mynd: EPA
Simon Adingra var bestur í úrslitaleiknum og besti ungi leikmaður mótsins
Simon Adingra var bestur í úrslitaleiknum og besti ungi leikmaður mótsins
Mynd: EPA
Nígeríski varnarmaðurinn William Troost-Ekong var valinn besti leikmaður Afríkukeppninnar í ár.

Margir muna eftir Troost-Ekong úr úrvalsdeildinni en hann spilaði með Watford tímabilið 2021-2022.

Frammistaða hans þarf sannfærði ekki marga og fór það svo að hann féll aftur niður í B-deildina með liðinu.

Nígeríumaðurinn hefur söðlað aðeins um síðustu ár en hann lék með Salernitana á láni frá Watford á síðustu leiktíð og samdi síðan við PAOK fyrir þetta tímabil.

Þar hefur hann verið að gera góða hluti og tók hann það með sér í Afríkukeppnina þar sem hann fékk verðlaun fyrir frammistöðu sína með Nígeríu.

Varnarmaðurinn skoraði fjögur mörk í sex leikjum sem hann spilaði í Afríkukeppninni.

Simon Adingra, leikmaður Brighton og Fílabeinsstrandarinnar, var valinn besti ungi leikmaðurinn. Adingra skoraði eitt og lagði upp tvö, en seinni stoðsendingin bjó til sigurmarkið í úrslitaleiknum.

Hinn 35 ára gamli Emilio Nsue var markahæstur með 5 mörk fyrir Miðbaugs-Gíneu. Hann gerði fimm mörk í fjórum leikjum, en þjóðin datt út í 16-liða úrslitum. Mostafa Mohamed og Gelson Dala komu næstir á eftir honum með 4 mörk.

Ronwen Williams, markvörður Suður-Afríku, var valinn besti markvörður mótsins.
Athugasemdir
banner
banner