Crystal Palace 1 - 3 Chelsea
1-0 Jefferson Lerma ('30 )
1-1 Conor Gallagher ('47 )
1-2 Conor Gallagher ('90 )
1-3 Enzo Fernandez ('90 )
Crystal Palace og Chelsea skildu jöfn í ensku úrvalsdeildinni í kvöld.
Jefferson Lerma kom Palace yfir þegar hann vann boltann við vítateig Chelsea. Hann lét vaða á markið og skoraði með glæsilegu skoti.
Chelsea var mun meira með boltann í fyrri hálfleik en náði ekki skoti að marki fyrr en undir lok fyrri hálfleiks þegar skot Conor Gallagher fór rétt framhjá en Gallagher var á láni hjá Crystal Palace á síðustu leiktíð.
Chelsea mætti mun sterkari til leiks í seinni hálfleik og Gallagher var ekki lengi að bæta upp fyrir klúðrið í fyrri hálfleik.
Malo Gusto átti sendingu fyrir eftir tæplega tveggja mínútna leik í seinni hálfleik og Gallagher negldi boltanum í netið.
Gallagher var aftur á ferðinni í uppbótatíma þegar Cole Palmer var með boltann inn á vítateig Palace og lagði boltann út á Gallagher sem lagði boltann í netið og fór langt með að tryggja sigur Chelsea.
Enzo Fernandez gulltryggði sigur Chelsea stuttu síðar, aftur eftir undirbúning Palmer.
