Gylfi bestur í september - „Eins og hershöfðingi"

Hann var reyndar frábær í báðum leikjunum gegn KR og það gerir hann að leikmanni mánaðarins í september hér á Fótbolta.net.

Í 2-1 sigrinum á KR tryggði Víkingur sér Íslandsmeistaratitilinn og Gylfi var valinn maður leiksins. Hann vann boltann átta sinnum í leiknum og tapaði honum aðeins einu sinni. Það var lýsandi fyrir hans frammistöðu í sumar.

„Mögnuð frammistaða. Gylfi var frábær varnarlega og sóknarlega í þessum leik. Ég get ekki talið hversu oft hann bjargaði Víkingum eftir mistök. Hann stjórnaði einnig miðjunni eins og hershöfðingi,“ skrifaði Andri Stefánsson í leikskýrslu sinni á Fótbolta.net og kannski er það einmitt stærsta breytingin á Gylfa í sumar; hann er ekki bara að skapa og skora, hann er farinn að stjórna leikjum gjörsamlega án boltans líka.