Topplið ensku B-deildarinnar, Leicester City, tapaði öðrum leik sínum í deildinni í kvöld er það heimsótti Plymouth.

Mustapha Bundu skoraði eina mark Plymouth á 21. mínútu leiksins, í leik sem Leicester stjórnaði frá A til Ö.

Plymouth beitti skyndisóknum í leiknum og var það ein slíkt sem skóp sigurinn, Bundu fékk boltann á vinstri vængnum og fékk að keyra inn í teiginn áður en hann kláraði örugglega í fjærhornið.

Leicester fékk fullt af dauðafærum til þess að jafna og jafnvel vinna leikinn en þetta var ekki þeirra dagur.

Annað tapið í röð en þrátt fyrir það er liðið á toppnum með 88 stig þegar fjórar umferðir eru eftir. Leicester má alls ekki við því að tapa fleiri stigum, ætli félagið sé beint aftur upp í úrvalsdeildina.

Plymouth fagnar þessu hins vegar enda er liðið fimm stigum fyrir ofan fallsæti og afar góðar líkur á að liðið verði áfram í B-deildinni á næsta tímabili.