SR er nýstofnað lið í kvennaboltanum sem er í samstarfi við Þrótt Reykjavík. Liðið leikur í 2. deild í sumar.

Aldís Kara spilaði ekki síðasta sumar þar sem hún eignaðist barn. Aldís skoraði þrjú mörk í sextán leikjum með FH þegar liðið komst upp í efstu deild 2019.

Aldís er uppalin hjá FH en hefur einnig spilað með Breiðablik á ferli sínum. Hún hefur alls spilað 139 leiki á ferli sínum og skorað 75 mörk.

Aldís á jafnframt 28 leiki með yngri landsliðum Íslands og kemur eflaust með mikla reynslu í lið SR.

SR hefur leik í 2. deildinni gegn Völsungi á morgun.