Viktor Unnar Illugason hefur fengið félagaskipti yfir í Álafoss sem leikur í 4. deild karla.
Viktor Unnar á 63 leik að baki í efstu deild með Breiðabliki, Val, Selfossi og Þrótti.
Viktor fór ungur til Reading á Englandi. Hann fór til Englands með Gylfa Þór Sigurðssyni og voru þeir saman í unglingaliðum Reading.
Viktor spilaði í fyrra með Smára í 4. deild og skoraði þá tvö mörk í sjö leikjum. Þar áður lék hann með Kórdrengjum og KV í 3. deild.
Álafoss er í C-riðli 4. deildar með Álftanesi, Birninum, Herði, KÁ, KM, Mídasi, Reyni H., og Ými. Keppni í riðlinum hefst um næstu helgi, en Álafoss hefur leik eftir nákvæmlega viku gegn KM.
Athugasemdir