Byrjunarlið ÍA og Víkings: Gylfi á bekknum

Sölvi gerir tvær breytingar frá 1-5 stórsigrinum gegn Val en sá leikur fór fram fyrir landsleikjahlé þann 31. maí. Gunnar Vatnhamar og Gylfi Sig fara út úr byrjunarliðinu en þeir voru báðir að koma úr landsliðsverkefnum. Gylfi tekur sér sæti á bekknum en Gunnar er ekki í hóp hér í kvöld. Inn í stað þeirra koma Sveinn Gísli Þorkelsson og Tarik Ibrahimagic. Þess má geta að Ögmundur Kristinsson er kominn á bekkinn en hann gekk til liðs við Víking fyrir nokkrum dögum.

Lárus Orri gerir aðeins eina breytingu á sínu liði frá 0-1 sigrinum á FH en út fer Viktor Jónsson og inn í hans stað kemur Ómar Björn Stefánsson. Ómar Björn kom einmitt inn fyrir Viktor í leiknum gegn FH og skoraði eina mark leiksins og hann fær traustið í dag.